Twenty Toes

1.000 boliñas

Case nada! Máis de 11000 bolas para facer un tsunami. Cantro traballiño!



Vía

The Company

Vía

Construción de Disneyland

E se onte vos amosabamos os finais ocultos dos filmes de Disney, hoxe a contrución da Disneyland orixinal, coa aparición do propio Walt Disney:

Build your own custom video playlist at embedr.com

Vía

Emocións

Despois de ver este vídeo é inevitable sentir que a vida é intensa e emotiva. Asumir o reto de alcanzar o cume de calquera montaña é un agasallo da luz que ilumina os nosos soños e propósitos, posibles desde a realidade e a esperanza. A vida é unha superación constante, como estes protagonistas valentes, que superan con amor e con beleza todos os impedimentos.

Quizais se vexa e oia mellor aquí:

Niagara Falls

Durante tres noites Matthew Wartman tomou imaxes das cataratas do Niágara para realizar este vídeo espectacular:

Niagara Falls in Motion from Matthew Wartman on Vimeo.

Vía

I Semana da BD (2)

Hoxe estivemos toda a mañá colgando as exposicións, colocando libros e informacións das actividades desta semana. Por suposto, o que máis chama a atención é o marabilloso préstamo de Charo: medo nos dá que ocorra algo! Desde aquí, con todo o cariño, devoción e admiración: grazas. Deixámosvos as fotos de todo o que temos montado. Mañá, máis:

I Semana da BD

O Equipo de Normalización Lingüística decidimos este curso organizar unha semana dedicada á Banda Deseñada e á Ilustración galega. Un novo reto nas nosas actividades, polo que supuña de complexidade e de ilusións: pretendemos que esta teña continuidade en cursos posteriores. Por se fose pouco, a nosa teima é saír do centro, que o noso alumnado vexa que isto "do galego" e as actividades que poidamos realizar non están pechadas baixo os muros do centro, senón que "hai vida" fóra deste. Por tanto, puxémonos en contacto cunha asociación cultural da vila, ADELLÍS, invitamos ao colexio público e... voilà!: esta primeira semana de febreiro cumprirase un pequeno soño.

Aquí tedes o cartel que anuncia a actividade: seis autores e/ou ilustradores achegaranse ao centro para compartir o seu traballo co alumnado da ESO: Suso Cubeiro, Anxo Fariña, Jacobo Fernández, Rodrigo Chao, Pepe Carreiro e Xosé Tomás, xunto con tres exposicións cedidas pola Consellería de Cultura encherán as nosas vidas de personaxes de ilusión. Destas, unha irá para a Casa da Cultura silledense, e o alumnado do colexio público poderá acudir aquí a coñecer in situ o traballo de Pepe Carreiro.



Queremos dar as máis expresivas grazas ás editoriais Galaxia e Consorcio Editorial por axudarnos tan desinteresadamente. Grazas Arturo, grazas Narciso, por aturarme, por escoitarme e por corresponderme. Pola vosa xenerosidade para comigo.
Grazas tamén á Casa da Xuventude de Ourense polos agasallos para a exposición e as súas propostas para o futuro.
E a Charo tamén moitas grazas, pero isto é unha sorpresa... Así que estade atentos, toda a semana manterémosvos informad@s.

E que mellor xeito de falar desta semana que con estas marabillosas fotografías comiqueiras?:

Obra fotográfica de Blanco Amor

Unha interesante exposición inaugúrase este martes 13, ás 20:00, no Verbum de Vigo:

EDUARDO BLANCO AMOR. A OLLADA DO DESEXO. OBRA FOTOGRÁFICA 1933-1973

Amancio Amigo e o mago Cali

Este xoves, e grazas á editorial Xerais, acudimos a ver un espectáculo de MAXIA a cargo do mago Cali; o alumnado de 1º de eSO, e do 2º e 3º de Diversificación leran previamente o libro Amancio Amigo e o Meigo de Salamanca de Xosé Miranda. Se unha función comeza asegurando ao alumnado que "toda a maxia tópase nos libros", ben estamos. E así foi: o mago abraiou e divertiu por igual, ademais de ensinar; a súa preocupación pola lingua e pola lectura, así como pola educación, subxaceu en todo o seu traballo. O noso alumnado marchou encantado e comentando, por riba de todo, "o truco da bola", xa que era o máis novidoso para eles.
Desde aquí o noso agradecemento á editorial Xerais e a Alejandro por ofrecérnolo.

Poemas para unha voda

Onte foi un día moi especial, xa que un ex-alumno invitoume á súa voda (non todos me odian!), unha voda "diferente" por tratarse dunha voda homosexual con temática dos anos 60. A "oficianta" puxérase en contacto comigo para formar parte da cerimonia, e pensei que o mellor que podía ofrecerlle a Fran era a poesía. Cando saín, vin como quedaba abraiado: sabía das outras persoas que ían falar pero non contaba comigo. Despois de explicar a nosa relación tan especial, expliquei que dúas eran as razóns que me empurraban a estar alí: falar e ler en galego nunha voda íntegra en castelán, e a segunda e non menos importante, a presenza da poesía, porque Amor e Poesía van intimamente unidos e porque Fran era un gran amante desta. Aquí comezou a chorar e non puido parar ata que finalicei. O mozo, inmigrante, comentaba que debía ser moi bonito o que eu lía pero que el non entendía nada, e Fran seguía a chorar... E eu comporteime, aínda que creades que non! Foi moi emotivo.
Tiven que escoller entre estes poemas que levaba para que non se fixera tan longo, pero aquí volos deixo:

Get your own - Open publication

Grazas, Rosa, pola axuda, coma sempre.
Que sexas moi, moi feliz, Fran.

E para que botedes unhas gargalladas gratuítas aquí me tedes anos 60:

Pilobolus

Con sombras, impresionante:

Grafitis

Din que están a medio camiño entre a arte e o vandalismo, e seica non se poñen de acordo. Podedes opinar vós; simplemente ímosvos amosar uns cantos de diferentes partes do mundo para que xulguedes. A min gustaríame saber facer estas marabillas, iso si que o teño claro.

Vía Microsiervos

Olimpíadas

Tal como esperabamos dos chineses, unha inauguración espectacular. Eu, polo menos, quedei pampa. Unha pasada:

Aurora boreal

Xa sabedes que a Aurora Boreal é un dos máis fascinantes espectáculos naturais do mundo. Se premedes aquí poderedes ver un montón de vídeos. Nós deixámosvos un:

Vía Mangas Verdes

Tórtola Valencia

Carmen Tórtola Valencia (1882-1955) realizará entre os anos 1908 e 1930 unha enorme e aclamada contribución ao nacemento e desenvolvemento da danza contemporánea tanto en España como en Hispanoamérica.
Posuídora dun ecléctico e amplísimo repertorio, foi comparada con Isadora Duncan, Maud Allan, Ruth St. Denis, Mikhail Fokine ou Anna Pavlova. Do seu repertorio destacaban os temas de inspiración oriental, inscribindo o seu traballo na corrente modernista que percorreu Europa coa súa busca das esencias, do primitivismo e do exótico, como unha reacción ante os avances da tecnoloxía que se estaban a producir a principios do século XX.

Las manos de Tórtola
Tus manos son cual dos palomas blancas
de tu hermosura en el radiante cielo
porque el poder de tus miradas francas
las detuvo en su vuelo.
Senderos son de gloria
tus dos brazos
y son tus manos
mágicas y bellas,
de esas dos cintas de sutiles lazos
dos broches de estrellas.
Son terribles, sagradas y piadosas:
con tus uñas clavadas en mi cuello
moriría, creyendo que dos rosas
con sus espinas fieras y celosas
señalaban mi muerte con el sello
de las muertes gloriosas.

Pío Baroja 1914


Vía Bajo el Signo de Libra

Arcos da natureza

Desas presentacións que chegan ao correo e que te invitan a viaxar sen parar...:

Cultura

Como ultimamente parece que nos estamos poñendo moi serios, aí vos deixo uns vídeos de cultura xeral... non sei se para rir ou para chorar. Vós mesmos:

Do programa "Date el bote"

De paseo

Aínda que se realizaron moitos estudos desde hai máis de 50 anos, aínda non se sabe con exactitude o mecanismo que fai que as rochas da zona de Racetrack Praia, no Val da Morte, se movan dun lugar a outro deixando tras de si un ronsel de pegadas sobre a lama seca. A teoría máis aceptada parece ser que o movemento prodúcese principalmente pola forza do xeo: cando a praia se inunda uns poucos centímetros de auga, conxélase na superficie, formando unha capa de xeo. O movemento da auga e o vento produce o desprazamento na capa de xeo que á súa vez fai rodar as pedras, trasladándoas de lugar.

Vía Microsiervos

Día da música

Mañá 21 de xuño é o denominado Día da música e para conmemoralo celebraranse ao longo da xeografía española diferentes concertos aos que podes asistir para disfrutar dos diferentes sons do panorama musical español. O que nos queda máis preto é o de Santiago de Compostela no que se subirán ao escenario do Multiusos Fontes do Sar Deluxe, Fanny e Alexander, Ivan Ferreiro, Quique González e Som Do Galpom. a partires das 20:00 horas.

Iso si, para este concerto é obrigatorio rebuscar nos teus petos uns euriños porque terás que pagar 10 euros en anticipada ou 15 en taquilla. Se queres concertos gratuítos, non che queda outro remedio que pasar a fin de semana en Madrid, Barcelona, Valencia, Sevilla, Bilbao ou Marbella onde en emprazamentos como a explanada do Guggenheim ou a Praza de L’Odisea Maremagnum se celebrarán diferentes espectáculos. Se queres toda a información, podes entrar na páxina web oficial do evento premendo aquí.

O que habería que preguntarse é se non sería mellor poder asistir a concertos de balde o resto dos días do ano...