O amor, en igualdade

Dende a biblioteca do IES Laxeiro andamos a argallar para todo este trimestre unha serie de actividades que promovan a caída dos mitos do amor romántico, falando de amor en igualdade e afastándonos da falsa idea do amor eterno e heterosexual como único posible. Entre outras propostas, unha é o reparto desta guía propoñendo lecturas e filmes "en igualdade".

No verán, lemos en galego

Que pensabades, que iades marchar de vacacións sen as nosas recomendacións de lectura? Imposible! Non só queremos que leades, e moito, senón que queremos que o fagades na nosa lingua. A boa Literatura galega e as boas traducións permítennos asegurarvos un verán cheo de soños, poesía e ilustración. Para todas as idades e para todos os gustos. Porque a poesía non se le só unha vez ao ano celebrando o Día da poesía, porque a fantasía non ten estacións, nin a banda deseñada ten un tempo determinado: o verán permítenos ollar o mar, o horizonte, e os soños... cun libro na man. En galego.

A nosa guía é moito máis ca unha guía. É unha conxunción. Esa que amosa o traballo colaborativo e o cariño de dúas persoas que a vida permitiu que se cruzasen nun determinado momento. Ambas cren e aman en galego. Ambas están convencidas de que o ensino é requirir que a cultura goberne un futuro necesario. Esta guía de lectura é o noso achegamento deste curso. Forcarei e Lalín únense. IES Chano Piñeiro e IES Laxeiro xuntan forzas lectoras.

LEMOS NO VERÁN. LEMOS EN GALEGO

LEMOS NO VERÁN. LEMOS EN GALEGO

INSTRUCIÓNS

Descarga directa

GUÍA EN ISSUU

Guía lectura Matemáticas

Comeza o curso, comezan as actividades. E este ano, aínda na distancia co meu Anxinho, seguimos colaborando. Vistes que guía máis estupenda?

Sobre o Amor... non hai nada escrito

Como estamos extremadamente amorosos en Forcarei fixemos unha Guía de lectura con forma de... si, acertastes, tal cal. Bo traballo que levou Anxo.
Non foi doado escoller os títulos habendo tanto onde elixir. Unha páxina para álbums ilustrados, outra para Poesía e outra para Narrativa. Seguramente haberá títulos discutibles, como Non hai noite tan longa de Agustín Fernández Paz (Amor pola verdade) ou Laura no deserto de Antón Riveiro Coello, que tamén creo que é unha homenaxe ao Amor pola xustiza. En poesía non podía faltar Poetízate, a poesía de Celso Emilio Ferreiro por ser o centenario ou os Sonetos de Shakespeare en galego grazas á editorial Xerais.

Guía lectora non discriminatoria

Galix (Asociación Galega do Libro Infantil e Xuvenil) vén de presentar esta nova guía onde se recollen propostas lectoras e suxestións de traballo con elas. Un magnífico traballo que podedes consultar premendo na imaxe.

Para ler a carón da cheminea...

Desde a Biblioteca Rosalía de Castro do CPI Don Aurelio de Cuntis, traemos una nova guía de lectura: "Para ler a carón da cheminea" tanto para nenos e nenas como para mozos e mozas.

Recomendacións ilustradas

Remata a nosa Feira do álbum ilustrado e non podía faltar a guía:

Aproveitamos a ocasión para que o alumnado de 3º de Diversificación se convertese en "contacontos" cos nenos e nenas máis peques do cole que temos a carón do instituto e que tan amablemente nos cedeu as súas instalacións.

Miguel Hernández para ler e para oír

Co gallo do centenario de Miguel Hernández estamos a realizar diferentes actividades no centro, das que xa vos informaremos. De momento, aquí tedes o tríptico que repartimos hoxe coa información sobre libros e discos que recollen os seus poemas:

Guía de lectura de Makinaria

Xa falaramos neste noso espazo deste libro que nos encanta.



Pois ben, arestora a nosa benquerida amiga, compañeira e colaboradora habitual, Rosa Salgueiro, vén de agasallarnos a toda a comunidade educativa cunha estupendísima Guía de Lectura de Makinaria, este libro de poemas de Carlos Negro que todos deberiades ler, que será o libro que peche a nosa andaina no Club de Lectura.
A proposta foi elaborada en formato LIM e presenta dúas versións diferenciadas segundo o nivel de lectura e o tempo do que se teña para traballar o libro:
.- Gozar da paisaxe (versión completa de 40 actividades)
.- Ir polo atallo (versión reducida de 30 actividades)

Moitas grazas, Rosa, por este traballo en particular e por toda a túa páxina que tantas dificultades nos soluciona, e pola túa xenerosidade de sobra coñecida.

Guía de lectura do Álbum ilustrado

Con motivo do Día do Libro, estas dúas semanas temos, entre outras actividades, unha Feira do Álbum Ilustrado (xa traeremos fotos). Para guiarvos, elaboramos a seguinte Guía de Lectura:

Disfrutade da súa beleza literaria e pictórica! Son auténticas obras de arte en papel.

Guía lectura banda deseñada

Con motivo das Xornadas de Banda Deseñada esta semana que remata, elaboramos a seguinte Guía de Lectura:

Atoparse co outro

Guía de lectura sobre a convivencia do clube de lectura As Campaíñas do CPI de Cuntis.

Diario de libros

Como? Que non sabedes que regalar no Nadal? Que lle queriades comprar un libro a esa persoa pero que le tanto que non sabedes con cal acertaredes? Pois vouvos dar unha pequena solución (de paso, a ver se as editoriais galegas puidesen recoller a idea para facer algo semellante!): Diario de libros, publicado por Barbara Fiore.

A primeira impresión ao recibilo é que se trata dun libro, pero cando o abres ves o especial que é. Por que? Porque é unha especie de axenda atemporal para apuntar todo o que desexes sobre os libros que les, os que prestas (a ver se o fago dunha vez e me deixan de desaparecer libros dos meus andeis!!!), os que che prestan, os que queres regalar, os que tes que mercar...; vén mesmo unha sección para apuntar os aniversarios, o que a min, despistada, vaime vir xenial porque, efectivamente, só sei regalar libros. Aínda hai máis: un lugar para apuntar as librarías imprescindibles, páxinas para "notas" e como colofón "O ABC do libro", un pequeno e curioso dicionario que nos informa daqueles conceptos relacionados co libro.




E entre as súas páxinas destacan as ilustracións (como non) relacionadas graciosamente coa lectura.
Ademais, a presentación é exquisita, para que dure moitos anos, en tapa dura, marcapáxinas e papel groso.

Un regalo precioso co que creo acertaredes sempre.

Non á violencia contra as mulleres (CXVIII)

Unha guía de lectura bastante completa para este día. Coido que o traballo técnico de Anxo hoxe loce dobremente, ao tratarse dunha guía dobre (valla a redundancia) e con deseño diferente. Debo dar as grazas ao PLAMBE, fonte de información continua.

Cando vimos este libro xa era tarde para incluílo na guía, así que tamén volo deixamos:

El abuso sexual de Dra. Patti Feuereisen. Unha de cada catro mozas son vítimas de abusos sexuais antes de chegar aos 16 anos. Moitas mulleres ocultan a súa historia.

Aquí máis literatura e cine.

Aquí máis música.

Aquí información e cifras.

Aquí toparás máis materiais.

E ademais:

Relatos culturais sobre o tema.

As Bibliotecas Escolares Galegas traballan arredor da violencia de xénero:

Aquí a historia das irmás Mirabal.

Aquí información sobre a desigualdade nos libros de texto.

Aquí, aquí, aquí e mais aquí unha de contos.

Unha webquest aquí.

Muller e deporte aquí.

Outra presentación sobre muller e publicidade aquí.

Presentacións de alumnado aquí.

Humor gráfico aquí.

Texto de Eduardo Galeano aquí.

Mulleres no chan aquí.

Rosana mandounos o lazo do lateral.

Imaxes e carteis.

Cadernos de Vide mándanos unha ligazón para atopar recursos para traballar na escola e na casa chamada "Coeducación".

E Loly Lago desde O Segrel mándanos esta fantástica presentación:



Onde tamén podedes atopar unha ampla selección musical.

Parabéns, e...
moitas grazas!!!

Guía Lectura do Samaín

Desde o Clube de lectura As Campaíñas do CPI Don Aurelio de Cuntis achégovos a guía de lectura que elaboramos co gallo do Samaín. Lecturas para nen@s, moz@s e maiores.