Checo

Cunha Mención honorífica na categoría de Narrativa, Checo, álbum publicado por Nostra con texto de Idalia Sautto e ilustracións de Cecilia Varela, está ambientado no México dos anos 30 e fala dun rapaz que un día decide marchar da súa casa e construír o seu propio futuro sendo maquinista. O mellor do libro son os datos reais da época, destacando a figura dese neno que é tan valente como para estar uns días fóra da casa e volver a ela como un pequeno heroe que se percata de que ama o que ten arredor e que iso é o mellor do mundo, é dicir, volvendo máis sabio e mellor ca antes.

Sennin

Da editorial Nostra, este conto tradicional nipón, Sennin, escrito por Ryünosuke Akutagawa e ilustrado (as ilustracións son fermosísimas, case provocativas humorísticas) por Luis Vázquez. Podedes ler a lenda aquí.
No relato vemos como un mozo ten como único cometido na vida converterse nun home sabio que alcanza a inmortalidade. A pesar de que a súa vida podería converterse nun inferno, tal é a actitude positiva do mozo que alcanzo o seu cometido grazas á fantasía do texto. Un texto que ademais sorprende polo misterioso atractivo do final.

El hombrecito Ix

Da editorial Nostra, curioso libro de Jorge Luján con ilustracións de Manuel Monroy El hombrecito Ix desprégase coma se fose un acordeón, o que o fai máis atractivo e novidoso. Metáfora dun home que non encaixa onde vive a pesar de ser a mellor persoa e veciño que se pode desexar. Debe converterse noutro tipo de persoa para ser aceptado? As ilustracións complementan un texto rico con trazos sinxelos que evocan o misterio metafórico que aporta o texto.