Matemáticas e desigualdade

Unha ferramenta inesperada para entender a desigualdade: as matemáticas abstractas.

Dende "Mujeres con ciencia"

Unha conferencia da Dra. Eugenia Cheng

Poema "Cero"

Matemáticas poéticas:

Song from π!

O músico David Macdonald gravou o son do número Pi cunha exactitude de 122 díxitos despois da coma.

Vía

As matemáticas son para sempre

Dende o blog bibliotecas escolares:

As matemáticas son para sempre. 

Conferencia-TED de Eduardo Sáenz de Cabezón, matemático e profesor da Universidad de La Rioja, que ademais gañou con este monólogo o Concurso Internacional de monólogos científicos, que convoca a Fundación Española para a ciencia e a tecnoloxía (FECYT).

Vía blog bibliotecas escolares

Guía lectura Matemáticas

Comeza o curso, comezan as actividades. E este ano, aínda na distancia co meu Anxinho, seguimos colaborando. Vistes que guía máis estupenda?

Sen números

Unha curta que conta unha historia distópica tratando de analizar o que sucedería no mundo se non houbese números. O vídeo pretende analizar a importancia que ten a invención dos números para o desenvolvemento humano.

Para Anxo e Cibrán, os meus matemáticos de cabeceira:

  Sin Números from Universidad de Zaragoza on Vimeo.

Vía

Multiplicar doutro xeito

Curioso método para realizar multiplicacións sen necesidade de utilizar a táboa de multiplicar. Suficiente con trazar unhas liñas e contar puntos...
Para Anxo e Cibrán, matemáticos de raíz... cadrada!

Vía

Odio as mates

Paul Borons utiliza as Matemáticas para explicar asuntos da vida real como débeda, bancos e recortes.

Vía

X

Por que o 'x' é o símbolo do descoñecido? Por que é sempre a incógnita que hai nos problemas? Nesta charla, Terry Moore dá unha resposta sinxela e sorprendente. 

Vía

Pure geometry

A xeometría mola:

Vía

Numeralia

Con texto de Jorge Luján e as inconfundibles ilustracións de Isol, Numeralia está publicado por Fondo de Cultura Económica. Un poema para aprender os números porque non deberiamos esquecer que as matemáticas tamén poden ter -ou conter- poesía.

Arimética / Arithmetique

Vía

Bah Bah Black Sheep

Este vídeo amosouse na Fundación Cartier de París durante unha exposición adicada ás matemáticas: “On view in the exhibition Mathematics, A Beautiful Elsewhere until March 18, 2012.”

Bah Bah Black Sheep, 2011.
Animación – David Lynch
Voz / Voice – Patti Smith
Fondation Cartier pour l’art contemporain – 2012 e-card.

Vía

Calculadoras...

A principal actividade levada no IES Chano Piñeiro de Forcarei en torno á figura de Ramón Verea, inventor homenaxeado no Día da Ciencia e da Tecnoloxía en galego, é unha pequena e modesta exposición destes aparellos de cálculo. A carón das calculadoras gráficas e científicas que todos estamos acostumados a ver, aparecen pequenas xoias; aparellos que contan con máis de medio século de historia e que están a espertar a curiosidade entre o alumnado:  unha Original Odhner dos anos 20, unha Hamman Manus de finais dos anos 30 ou dúas Olivetti de principios dos anos 60.
Tod@s se preguntan como podían levar eses aparellos á escola...

Acompañando a esta exposición dispoñemos duns paneis onde, de maneira resumida, explícase a evolución e historia das calculadoras desde o ábaco ata as máis desenvolvidas calculadoras gráficas da actualidade.

Vía Lingua de Montes

La recta y el punto

Encantoume! Ademais de orixinal, divertido, diferente, romántico... La recta y el punto, de subtítulo Un romance matemático, de Norton Juster publicado por Fondo de Cultura Económica, é un clásico escrito en 1963... case nada!
Como o amor non ten fronteiras, unha liña namorada dun punto moi chulo decide facer de todo para conquistar o corazón deste...e fai marabillas! Para mostra, unha imaxe:

Un deses "ilustrados" imprescindibles nas nosas bibliotecas.

Cráter

Lin Cráter de Olga Novo (Premio da Crítica 2011), publicado por Toxosoutos, con demora e interese, recoñezo que ás veces sen deleitación porque algúns poemas custábanme moito. En todo poemario, normalmente, hai poemas que me gustaría gardar para lelos de cando en vez e saborealos na súa xusta medida e hai outros que botaría ao lixo da memoria. Con este libro tan denso sucédeme o mesmo. É, porén, un libro que hai que ler, procuralo, volver a el. Nos poemas hai paixón, hai música, hai lava, hai soidade, hai liberdade. Resulta atractivo o variado do libro, os diferentes temas ou tratamentos dos poemas, fiados por unha deusa campesiña que marca os ritmos dos poemas e mesmo da lectura.

Atopei uns poemas moi axeitados para estes días "matemáticos" que celebramos no centro, que serán os que aquí transcriba, a pesar de que o elixido para deixarvos aquí sería "Análise de sangue".

 

O poema é "Concerto para cromosomas e cordas", pero como é moi longo recollo tan só algúns versos. Precioso:

Como arañas que se abrazan

as miñas pestanas encóntranse na noite

e mesmo ó pechar os ollos

vexo o teu balón de coiro

lanzado ó infinito da nosa aira de arriba

circulando entre os trevos e o arame da roupa

e os teus ollos de neno calculando a parábola exacta

descrita pola pelota entre as margaridas e o ar (...)

vexo a túa bicicleta humilde

que circulaba á velocidade dun astro

sen freos nin pneumáticos e algún radio roto

pero ti partías o espazo polo tempo

e a fórmula consentía con tenrura

levarte aló onde ti quixeras. (...)

Durmían as cifras a súa suma nos teus cadernos de contas

cansados de traballar

coas túas mans pequeniñas

as costras dos teus xeonllos mancados

brillan como a cortiza dun sol infantil

e a túa intelixencia íase facendo maior entre cereixas maduras

e pantalóns curtos

tocabas cun dediño un número que treme coma unha bolboreta

e sabías que o seu corazón podía dividirse en tres partes.

Mirabas talvez as cántaras do leite

e revelábase a eterna forma do cilindro

ninguén sabía que tres catorce dezaseis era un número pi

e ti

xogabas con el entre os grilos.

Volvías da túa mente brillante

tan humilde coma quen quedou en branco

no medio da neve

pero ti non o sabes.

Aprendín a contar con fabas que me dabas

a saber que un peón branco perdía a vida facilmente

ante unha raíña negra

que a combinatoria é unha arma sagrada

que se a dez garavanzos se lle saco tres

estou resultado e o resultado é sete. (...)

III.

Teorema:

Ti es o maior

eu a pequena.

Despexas o día cunha ecuación

saio ó sol a verte

íntegra coma a mazá que esperta segura da súa semente. (...)

IV

Cómplice amigo contemplo contigo

o arco da vella das nosas vidas

a álxebra da liberdade

as raíces profundas do polinomio do humor

o amor contido a partes idénticas no ácido nucleico(...)

E por se non che dixen que te quero

escribo este concerto para cromosomas e cordas

por se un día perdo a memoria e non recordas

que eramos un sendo dous

marabilla da matemática

enigma da metafísica

evidencia da vida.

Celebrando o Día do Libro (II)

Xa volo anunciamos: todo chega paseniño. Aquí tedes unha mostra dos poemas matemáticos que adornan as paredes que levan á biblioteca e que o noso alumnado leu o Día do Libro. 

Quen dixo que as Ciencias e as Letras se levan mal? Para demostrar que isto é unha falacia, non temos máis que ver a cantidade de poemas matemáticos que existen. Unha pequena mostra:

E estas son as preguntas ás que se enfronta o alumnado da ESO esta semana. Unha xinkana matamático-literaria que porá a proba non só os coñecementos matemáticos senón outras destrezas esenciais. Quen será o gañador ou gañadora?

Tamén collemos estas fotos:

 e estas ilustracións:

D

Si, este é o título. Contén terror, matemáticas e libros. Quen se resiste?

Grazas, Cibrán.

Celebrando o Día do Libro

Como xa anunciamos, este mes de abril, Libro e Mates únense no IES para conformar un xeito de celebración. Esta semana non paramos: comezamos o luns coa celebración do Día do Libro: lecturas na biblioteca de álbums e poemas matemáticos. Seguimos cunha xinkana literario-matemático toda a semana. As matemáticas no Quixote son analizadas nas aulas de Lingua Castelá....

Este é o vídeo da celebración; as fotos, os poemas, as probas... chegarán -pouco a pouco!!!-:

Non esquezades o concurso de fotografía matemática, aínda queda prazo!

Erotismo xeométrico

Xa que este mes andamos a voltas coas mates, vénnos moi ao xeito esta curta realizada por Studio AKA: Yeah Just There.

Vía