A vida nuns instantes

Unha curta alucinante que amosa a vida dunha persoa nuns cantos pestanexos. Con 23 tomas e 42 segundos foi filmado para o festival Ondedreamrush, onde 42 autores foron invitados a amosar en 42 segundos os soños que os perseguen e inspiran.:

Last Day Dream [HD] from Chris Milk on Vimeo.

Vía Microsiervos

Aínda podes

Ifraah Ali Aden, embarazada de catro ou cinco meses, atópase en perigo inminente de execución despois de ser declarada culpable do asasinato doutra das mulleres do seu home, tamén embarazada. Todo apunta a que Ifraah Ali Aden foi condenada a morte despois dun xuízo inxusto. Parece que o xuíz que a procesou é o pai da vítima.

O dereito internacional de Dereitos Humanos prohíbe a execución de mulleres embarazadas e de nais con fillos recén nados.

Se queres asinar para axudar a que, cando menos, teña un xuízo xusto, preme aquí, na páxina de Amnistía Internacional.

http://www.es.amnesty.org/actua/acciones/somalia-mujer-embarazada-en-riesgo-inminente-de-ejecucion/

Non á violencia contra as mulleres (LXXXVII)

Onte e hoxe, curta:

Máis do mesmo

A publicidade segue a dar unha visión así de machista da sociedade. Non sei ata cando. Pero vendo as últimas atrocidade nas discotecas de xente nova, temo que esta loita vai para un bo anaco de tempo... E que poden mercarnos así de fácil, ben, a case todas:


Vía Sexismo publicitario

Mapa de los sonidos de Tokyo

Que sexa de Isabel Coixet é xa de seu unha garantía.
Ryu é unha rapaza solitaria cunha dobre vida. O Señor Nagara é un poderosos empresario de loito pola perda da filla. Ishida contrata á primeira para asasinar a un terceiro. E un enxeñeiro de son, obsesinoado coa cidade nipona en busca das sombras da alma, pretende profundizar nos lugares onde o silencio ten o poder da elocuencia.
Estou desexando vela!

O Guantanamito

Recollo de Migramundo esta reflexión (lédea alí enteira) de Guillermo Pardo falando do centro español de reclusión para inmigrantes en proceso de deportación; un lugar ilegal e absurdo para agochar o que non queremos ver, situado en Mauritania.

O "Guantanamito", como o denominou Amnistía Internacional o ano pasado, é unha especie de centro de paso ao que son enviados os inmigrantes expulsados de Canarias e no que permanecen mentres non os mandan a outro país, aínda que non sexa o seu. Nun informe elaborado por encargo do Ministerio de Asuntos Exteriores de España, a CEAR asegura que quen é enviado alí vive en condicións de amoreamento extremo nas celdas habilitadas, vellas aulas de ventás seladas e con ventilación insuficiente. Nos seus 40 metros cadrados acollen entre 15 e 17 literas náus, nas que os detidos permanecen 24 horas ao día porque non se lles permite realizar máis actividade que camiñar s 60 metros que os separan das letrinas.
E mentres, nós reclamamos Dereitos para outros países, cando no noso estamos violándoos continuamente.

Yankee Gal

Bonita curta de animación en 3D realizada por Supinfocom:

Yankee Gal from Yankee Team on Vimeo.

Vía Recogedor

Cántico espiritual

Un amigo faloume desta música (Amancio Prada) e destes versos de San Juan de la Cruz con tal vehemencia que decidín dedicarlle o post. Polo amor que rescatan, pola emoción, por expresar o que tantas veces sentimos sen atopar as palabras exactas. Porque sei que nos segues e porque sei que os teus ollos enmudecerán, grazas:

Build your own custom video playlist at embedr.com

Política lingüística e consenso en Galicia?

Artigo publicado por Anxo Lourenzo en A Nosa Terra o día 10 de maio do 2008:

Estase a difundir a idea de que o modelo lingüístico de coexistencia entre galego e castelán está sendo substituído por un de imposición do galego, sendo o goberno da Xunta de Galicia o responsable dese cambio. A realidade parece apuntar noutras direccións: por unha banda, é o Partido Popular quen está a separarse do vieiro lingüístico consensuado nos anos 80 por motivos de estratexia partidaria (desgastar o goberno); e, por outra, o PP está en desacordo co contido da política lingüística actual, diferente da que eles implementaron. O primeiro aspecto –o PP afástase do “pacto lingüístico”– supón unha novidade política que cumprirá analizar con certo vagar nestes meses en que remata a actual lexislatura; o segundo aspecto –o PP está en desacordo coa política lingüística do goberno actual da Xunta de Galicia– é absolutamente coherente desde a lóxica política.

O que podemos denominar como “pacto”, “consenso” ou “acordo” lingüístico confórmase mediante os contidos lingüísticos do Estatuto de Autonomía de Galicia de 1981 e da Lei de Normalización Lingüística de 1983. Cales son, ao noso entender, as características principais dese “pacto lingüístico”? En primeiro lugar, a cooficialidade –en Galicia, galego e castelán teñen plena igualdade xurídica–; en segundo lugar, a declaración do galego como lingua propia; en terceiro lugar, derivado do aspecto anterior, a decisión de pór en marcha un proceso institucional e social de “normalización” da lingua galega, por se atopar esta en situación de desigualdade respecto do castelán; e, en cuarto lugar, o respecto polo principio de individualidade: que cadaquén utilice a lingua da súa preferencia nas comunicacións non institucionalizadas.

Amparados nese “pacto lingüístico”, os diferentes gobernos do Partido Popular aplicaron unha política lingüística de baixa densidade e intensidade. Os seus sinais de identidade en materia lingüística foron os de lexislar pouco, non desenvolver a planificación lingüística e non se preocuparen excesivamente porque se cumprisen as poucas normas lingüísticas (ou con repercusións lingüísticas) que eles mesmos aprobaban. Foi, en definitiva, unha política lingüística inhibidora e de profundidade escasa na promoción da lingua galega. A coartada ideolóxica para non facer máis chegoulles aos gobernos populares da man do bilingüismo harmónico (BH), construto ideolóxico de feble baseamento epistemolóxico que foi deseñado ad hoc para xustificar aquela política lingüística rácana. Agora ben, o BH é un construto partidista promovido exclusivamente polos gobernos fraguistas, sen que en ningún caso formase parte do “consenso lingüístico” inicial.

O cambio de goberno

Co cambio de goberno, unha coalición PSdG-BNG non pode desenvolver a mesma política lingüística có PP. Abonda con ler os programas electorais das últimas eleccións autonómicas para comprobalo. Agora ben, cambiar os vimbios, o rumbo e mesmo o ritmo desa acción lingüística gobernamental non significa que se estea a alterar o “consenso lingüístico”: o que este goberno pretende é, seguindo no mesmo modelo, afondar en certas estratexias planificadoras que lle dean ao galego un maior folgo social e institucional. E unha boa proba disto é o novo decreto de ensino aprobado o ano pasado.

O novo decreto persegue o mesmo obxectivo có anterior: que todo o alumnado aprenda por igual galego e castelán. A principal novidade é a estratexia para acadar ese obxectivo: aumenta a porcentaxe de materias que, como mínimo, se deben impartir en galego. Significa isto un cambio no modelo de ensino bilingüe instaurado en Galicia desde 1983? Por suposto que non: nin hai modificación do obxectivo lingüístico final (competencia nas dúas linguas oficiais), nin se está implantando a inmersión lingüística, nin se obriga a ninguén a usar unha lingua ou outra.

En cambio, son outros os que si queren unha mudanza no modelo lingüístico educativo, pedindo a segregación do alumnado en función das preferencias lingüísticas familiares. E isto, que altera o “pacto lingüístico”, tamén o reclama agora o PP: despois de máis de vinte anos valorando os beneficios do bilingüismo educativo, de termos estudantes que coñezan as dúas linguas oficiais por igual, esta forza política opta agora por apoiar un cambio de rumbo cara á separación das linguas na educación. Quen se aparta nesta cuestión do “consenso lingüístico”?

Argumentar que o presidente da Xunta de Galicia está a modificar o “modelo lingüístico” de Galicia é unha falacia. Quen se está afastando dese consenso é o Partido Popular, na procura dun rédito político a curto prazo, descolocado polo seu papel de oposición despois de tantos anos de goberno. Ademais, o que o PP non acepta é que haxa outras formas de facer política lingüística, diferentes das súas, máis centradas na promoción e na revitalización da lingua galega, sen imposicións nin obrigacións, pero con firmeza nas estratexias de acción positiva e na utilización da planificación lingüística como ferramenta de traballo. Algo que eles non quixeron ou non souberon facer cando foron goberno. E esa nova política lingüística está integrada sen maiores problemas no “pacto lingüístico” consensuado hai máis de vinte anos.

Morre unha metáfora

Andrea, a súa fiel seguidora de 16-17? anos, deume a nova. Eu andaba trafegando na Feira do Libro e achegóuseme compunxida: "Xa o sabes, non?". Eu, a verdade, non tiña nin idea de que me estaba a falar. "Morreu Benedetti. Sábeo todo o mundo!". Menos eu, parece ser, que non tiven tempo de nada. Está claro, querida Andrea, que este post débese por ti, pola túa poesía, pola túa lectura, pola túa axuda e por esas ganas que sempre pos en todo.
Mario Orlando Hamlet Hardy Brenno Benedetti Farugia, o seu nome completo, viviu en varias partes do mundo, inicialmente obrigado pola ditadura. Volveu a Uruguay en 1983, ata onte.
A súa obra literaria inclúe poesía e prosa. Permítideme que me quede con "Primavera con una esquina rota" e "La borra del café", lecturas que lembro con emoción desde hai moitos, moitos anos. Algúns dos seus poemas convertéronse en cancións inesquecibles.
Hai uns días publicaba o seu derradeiro libro: Testigo de uno mismo, e no poema "Máquinas" estes versos:
La vida es una máquina / para la que no hay respuestas / ni repuestos.

"Cuando tengo una preocupación, un dolor o un amor tengo la suerte de poder transformarlo en poesía".

Algúns dos seus poemas:

Los sueños son pequeñas muertes
tramoyas anticipos simulacros de muerte
el despertar en cambio nos parece
una resurrección y por las dudas
olvidamos cuanto antes lo soñado
a pesar de sus fuegos sus cavernas
sus orgasmos sus glorias sus espantos
los sueños son pequeñas muertes
por eso cuando llega el despertar
y de inmediato el sueño se hace olvido
tal vez quiera decir que lo que ansiamos
es olvidar la muerte
apenas eso

Cuando la poesía (inédito)

Cuando la poesía abre sus puertas
uno siente que el tiempo nos abraza
una verdad gratuita y novedosa
renueva nuestro manso alrededor
cuando la poesía abre sus puertas
todo cambia y cambiamos con el cambio
todos traemos desde nuestra infancia
uno o dos versos que son como un lema
y los guardamos en nuestra memoria
como una reserva que nos hace bien

La vida ese paréntesis

Cuando el no ser queda en suspenso
se abre la vida ese paréntesis
con un vagido universal de hambre
somos hambrientos desde el vamos
y lo seremos hasta el vámonos
después de mucho descubrir
y brevemente amar y acostumbrarnos
a la fallida eternidad
la vida se clausura en vida
la vida ese paréntesis
también se cierra incurre
en un vagido universal
el último
y entonces sólo entonces
el no ser sigue para siempre

Lecturil Plus convertido en Cultigal Forte

Cando vin este Prospecto en Biblioríos e que existía na rede en catalán e en castelán, souben que era a miña obriga traducilo á nosa lingua. Pero ademais, proporcionoume unha estupenda idea para desenvolver na Semana das Letras Galegas. De aí o cambio de nome: un xeito de "galeguizar" a medicina que tanto necesitamos nestes tempos. Porque non só potenciamos a lectura, senón que o facemos na nosa lingua. Así que, agardando que non lles pareza mal aos creadores de tan sabia medicina, este é o resultado. Por suposto, aqueles que queirades aproveitar o prospecto en galego pero co nome orixinal, só tedes que cambialo.

Este prospecto pretende fomentar a lectura en galego, en caso de dúbida revise os seus prexuízos.

O principio activo deste medicamento baséase na probada capacidade da lectura para estimular as habilidade dos nen@s e xoves tales coma o pensamento, as emocións, a imaxinación, a atención, a autoestima, a linguaxe...

INDICACIÓNS

Aconséllase para exercitar o intelecto e mellorar o rendemento escolar

COMPOSICIÓN

Os compoñentes dos libros desenvolven a creatividade e a imaxinación.

CONTRAINDICACIÓNS

A lectura pode causar entretemento, diversión, relaxación e distracción positiva.

PRECAUCIÓNS

Potencia a capacidade de observación, atención e concentración.

EFECTOS SECUNDARIOS

Esperta as inquedanzas, axuda a descubrir novos horizontes.

INTERACCIÓNS

O hábito da lectura combinado con outros factores educativos xera opinión e aumenta a autoestima.

ADVERTENCIAS

Pode estimular e satisfacer a curiosidade intelectual e científica.

POSOLOXÍA

Un instante de lectura diario desenvolve a linguaxe e mellora a expresión oral e escrita.

SOBREDOSE

En doses elevadas aumenta o vocabulario e mellora a ortografía.

REACCIÓNS

En combinación con outros estímulos facilita a aprendizaxe continua: coñecemento, información e cultura.

Pero... como facer para que este chegue ao noso alumnado? Necesitabamos dunha caixa de medicinas apropiada que contivese o prospecto. E este é o resultado:

Non creades que foi doada a construción desta: levamos dúas semanas recortando e pegando. Son moitas e o traballos é esgotador para o meu alumnado de Diversificación. Pero, a verdade, estamos moi content@s co resultado final.

Temos a caixa de medicina e fáltanos a receita. Atopámola en Interneteando e aquí a temos:

Agora xa estamos preparad@s para a Feira do Libro que celebramos esta semana no centro. Non só amosamos todas as editoriais galegas, senón que recomendamos libros e lecturas, e o alumnado participa activamente nesta recomendación, pois eles e elas colgarán un tendal coas lecturas que deixaron pegada neles.

Seguirá a crónica coas fotos noutros post. Feliz Semana das Letras Galegas.
E, por suposto, haberá preguntas, vídeos, presentacións... arredor de Ramón Piñeiro e as Letras.

Letras Galegas.NET ou Son o que máis sabe

Chéganos desde o blogue amigo Bibliocabe este xogo sobre as Letras Galegas. A ver, que pedín permiso para colgalo, que primeiro o fixen eu (e non souben todas as respostas!), que podo garantir que está moi ben... Vaia, que o tedes que facer, e punto!.

E tamén...

Está claro que o 17 de maio é un día sinalado. Para @s galeg@s, especialmente. Pero tamén para @s educador@s, por loitar pola igualdade. E é tamén o Día de Internet. Encántanos celebralo en galego, como afirmamos hai un ano. Con este último motivo, un vídeo sobre a Historia de Internet que recollemos do BlogFesquío:

Letras Galegas e Manifestación

Foi emocionante a manifestación porque estaba ateigada, porque, por fin, Galicia movíase polo que é realmente de seu e que ás veces parece esquecer, ese patrimonio que constitúe o noso ADN e que corre risco de se perder: a nosa lingua. Non sei cantas miles de persoas estariamos alí, pero o éxito é indiscutíbel. Con choiva e con sol, xa que a primavera tamén fala galego, e ambos os dous quixeron manifestarse connosco.
Estas fotos son recollidas de A Nosa Terra. Aquí tes máis.



En palabras de Francisco Castro:

Letras. Galegas e xa que logo universais. Porque o meu é un país tan grande que non lle chega o mundo todo para entrar en el. Palabras de meu, de teu, de nós, de seu. Coas que dicir de amor ou de odio, para cantar en días de saraiba ou en desacougadas noites de tristura. As letras galegas, maltratadas polos seus propios herdeiros, os galegos, as galegas, tan ceguiños por mor da historia e dos prexuízos que lles foron metendo.
Letras galegas, nas que fala a miña prole, nas que conto e canto e quero e quero que me canten contos.
Feliz día.
Malia todo, estamos, somos, existimos, falamos.
En galego.

Déixovos diversos vídeos sobre a nosa lingua. Pagan a pena:

Build your own custom video playlist at embedr.com

En Flocos.tv podedes ver "Galicia 2098" sobre os posibles futuros para o galego.

Contra a homofobia

O 17 de maio de 1990, a Organización Mundial da Saúde eliminou a homosexualidade da súa lista de trastornos mentais. Esta acción contribuíu a acabar con máis dun século de homofobia médica.

“Escuela sin armarios” é o lema acordado nos Encontros Estatais para a manifestación estatal do Orgullo LGTB dada a importancia de traballar a visibilidade dentro do sistema educativo, cuestión que fixo plantexar o 2009 como ano da Diversidade Afectivo-Sexual na Educación. Gran parte das accións e actividades que se levarán a cabo no Orgullo LGTB 2009 xirarán en torno á necesidade de fomentar o respecto cara ás persoas LGTB no sistema educativo así como impulsar programas de formación sobre a diversidade afectivo-sexual.

Declaración institucional contra a homofobia da Xunta Xeral do

Principado de Asturias

En esta fecha de conmemoración el Parlamento Asturiano quiere hacer una llamada a la sociedad para reivindicar el final de todas las formas de persecución por orientación sexual e identidad de género. Este 2009 se cumplen treinta años desde que se despenalizara la homosexualidad en el Estado Español. Treinta años de lucha por la conquista de la igualdad legal y social durante los cuales han sido muy activos los colectivos para la defensa de los derechos de gays, lesbianas, transexuales y bisexuales. Muchos han sido los avances conseguidos por este colectivo, situando a España como un referente mundial en el desarrollo de políticas de igualdad. Pero esto no es suficiente ya que la homofobia sigue estando presente en nuestra sociedad y por ello deben impulsarse medidas contundentes para erradicar cualquier tipo de discriminación. Desde la Junta General del Principado de Asturias respaldamos a todos aquellos que, en diferentes lugares del mundo, no pueden expresar su sexualidad con libertad y sufren diariamente el odio, el rechazo y la marginación por querer vivir su realidad personal de una manera digna. Hay que seguir mencionando la situación mundial de la homofobia, ya que hay más de 70 países en todo el mundo donde se persigue a los ciudadanos y ciudadanas por su orientación e identidad de género y en 8 países (Afganistán, Arabia Saudí, Irán, Mauritania, Pakistán, Sudán, Yemen y algunos estados del norte de Nigeria) se siguen castigando las relaciones entre personas del mismo sexo con la pena de muerte. Pero no sólo en los países anteriormente mencionados, también se han dado casos de homofobia en Europa. Por todo esto, el Parlamento Asturiano se suma a las reivindicaciones del colectivo LGTB y considera necesario intensificar las medidas contra la homofobia. En este sentido, la Junta General del Principado de Asturias apuesta por seguir profundizando en el reconocimiento de los derechos civiles, sanitarios y sociales del colectivo de gays, lesbianas, transexuales y bisexuales. Por otro lado, desde el Parlamento Asturiano consideramos que es crucial la prevención de la homofobia en el ámbito educativo, dando mayor solidez y estabilidad a los programas de educación afectivo-sexual que deben desarrollarse en los centros de primaria y secundaria. Por último, la Junta General del Principado quiere agradecer a los movimientos asociativos de defensa de los derechos de los gays, lesbianas, transexuales y bisexuales su trabajo todos estos años para conseguir una sociedad más justa para todas y todos.

Principado de Asturias, 17 de mayo de 2009

Vía Tutoría GLBT

This one time

Animación de Nelson Boles: Goliat e a mascota.

This one time... from nelson boles on Vimeo.

Vía Recogedor

Letras Galegas ao Vento

Comezamos coas nosas actividades arredor do Día das Letras Galegas. Ademais das que imos desenvolver a semana próxima, esta fin de semana organizamos unha "solta" de poemas e libros por todo o concello de Silleda, agasallos para todas aquelas persoas que queiran levar un libro ou poema para as súas casas.

Durante toda a semana, o alumnado escolleu un poema, ou escribiu un, para meter nun sobre, co lema "Poemas ao Vento" (Grazas, Biblioríos). Estes foron sufragados polo Concello de Silleda. Ademais, buscamos libros de todas as temáticas para repartir. E o venres, o alumnado de 1º de Bacharelato converteuse en pomba mensaxeira das Letras Galegas. Durante a fin de semana serán os encargados de repartir por todos os recunchos do concello de Silleda poemas e libros, deixados "casualmente" en parques, bares, comercios... onde eles e elas foran ou quixeran entrar.

Recolla nos medios: La Voz e O Faro

Aínda non vou dicir nada da aceptación destes agasallos entre @s veciñ@s. A ver que me contan o luns!

E seguen chegando

Seguen chegando traballos arredor da figura de Ramón Piñeiro. Vese que traballan os docentes co alumnado! Deixámosvos agora o vídeo do IES Leliadoura:

E máis outro do CEIP Rosalía da Castro de Xinzo:

Ponte nas ondas

"Sumámonos á defensa da nosa lingua, o noso maior patrimonio, e convidamos a exercer o dereito a vivir en galego sen ningún tipo de impedimentos nin de coaccións. No Día das Letras Galegas 2009 queremos reivindicar a lingua galega como o principal soporte xerador das manifestacións do noso patrimonio cultural inmaterial. Unha lingua que foi a creadora desde a época medieval das mellores expresións da cultura galego-portuguesa. Unha lingua que nos achega a unha comunidade de falantes de máis de 200 millóns de persoas en todo o mundo e que constitúe o mellor pasaporte para tender pontes coa lusofonía. Unha lingua que nos identifica no mundo fronte á globalización e á uniformización lingüística."

Vía Mesturas

Frases de nen@s

O outro día chegoume un correo que me invitaba a sorrir: unha recompilación de frases de nenos e nenas que non deixan indiferente. Por suposto, quixen compartilas convosco:

frases célebres de niños corrientes

Publish at Scribd or explore others: Humor Creative Writing humor niños

Agardo que, cando menos, tamén vós poidades sorrir.